紫椰菜有豐富膳食纖維，低脂肪、低熱量，係一種好有營養嘅食物 👍🏻。呢個紫椰菜湯材料同做法都好簡單！顏色係浪漫嘅紫色，好靚 💜！湯入面加咗薑粉，增添溫和subtle嘅香味 😌。用新鮮薑蓉都可以但生薑味道比較強烈，可以按口味調整或省略。呢個湯素食朋友都適合，將雞湯轉蔬菜高湯、省略淡忌廉或轉植物奶就可以 😉。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**紫椰菜湯材料 (約3-4碗份量)：紫椰菜 1/4個 切絲洋蔥 1小個 切粒新薯 1小個 切粒蒜片 1瓣雞湯 500ml淡忌廉 50ml新鮮刁草 切碎 1湯匙薑粉 1/4茶匙特級初榨橄欖油 1茶匙鹽、黑胡椒 隨口味 做法：1. 下油熱鍋，中火炒香洋蔥、蒜片。下薯仔粒炒至開始軟身。2. 下紫椰菜，略炒數分鐘至開始變軟。下雞湯、刁草、薑粉拌勻。煮滾後合蓋，轉小火煮10-15分鐘至材料熟透。3. 熄火。用攪拌器將湯料打至幼滑，拌入淡忌廉。試味，按需要用鹽、黑胡椒調味。淋上特級初榨橄欖油、額外淡忌廉，即成。
