呢個氣炸吉列椰菜芝士豚肉卷做法簡單，配埋酸酸甜甜嘅日式豬扒醬，感覺唔會太膩，喺屋企都可以享受健康少油嘅吉列定食 😋。點擊圖片放大 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**氣炸吉列椰菜芝士豚肉卷材料 (可做約6件份量) ：豚肉薄片 250-300g日本椰菜1/4個 切幼絲Mozzarella芝士碎 50g麵粉 2湯匙蛋液 1隻麵包糠 約100g蒜粉 1/2茶匙鹽、黑胡椒 隨口味日式豬扒醬 隨口味 做法：1. 豚肉用少量鹽、黑胡椒調味。麵包糠混合蒜粉、鹽、黑胡椒備用。椰菜絲下1/8茶匙鹽拌勻，靜置約5分鐘，輕輕搾壓約30秒令椰菜絲稍為軟身，倒去釋出水份。2. 兩片豚肉頭尾交接，放上椰菜絲及芝士 (末端保留約1/4空位)，從頭至尾捲好，再用第三片豚肉縱向包裹豚肉卷，收口向下。3. 豚肉卷逐一順序均勻沾上麵粉、蛋液、麵包糠。表面噴少許油，靜置約5分鐘反潮。4. 放入氣炸鍋，180度氣炸8分鐘後，反轉炸5分鐘，再反轉一次炸2分鐘至金黃。淋上日式豬扒醬，即成。
