《放工快煮系列》安東燉雞冬天就會想食辣嘢 (雖然我只係BB辣程度) ，感覺食完會暖啲 ！諗起某年冬天去韓國旅行，零下氣溫下喺街邊檔食辣炒年糕，雖然好凍但食到出汗嘅感覺好正 🤣！安東燉雞係其中一個最多人識嘅韓國菜式，做法亦唔複雜，一煲過搞掂，送飯一流呀 🍚👍🏻！ 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**安東燉雞材料 (6-8人份) ：雞下槌 1kg韓式粉絲 100g 新薯 4-5個 一開四洋蔥 1個 切條甘筍 1條 切大塊大蔥 1條 蔥白切斜段、蔥綠切幼絲薑 2-3片蒜片 4-5瓣青辣椒 半隻 切幼絲 (按喜好增減)小辣椒 1-2隻 去籽切幼絲 (按喜好增減)橄欖油 1湯匙麻油 1湯匙鹽、黑胡椒 隨喜好醃料：醬油 1 1/2湯匙糖 2茶匙紹酒 1茶匙胡椒粉 少許醬汁：韓式辣醬 4湯匙料酒／米酒 4湯匙醬油 3湯匙糖 1湯匙韓國辣椒粉 2茶匙 (按喜好增減)雞湯 250ml水 適量 做法：1. 雞下槌用廚房紙印乾血水，混合醃料醃一晚。韓式粉絲浸軟備用、混合醬汁。2. 下少許油熱鍋，煎香雞下槌至表面微金黃，盛起備用。3. 下橄欖油、麻油，加入大蔥蔥白、薑片、蒜片、洋蔥炒香 (嗜辣者可在此步驟加入辣椒同炒)。4. 放回雞下槌、倒入醬汁，加適量水至浸過材料約八至九成。煮滾後加入薯仔、甘筍，加蓋，轉小火煮25-30分鐘至材料熟透，其間攪拌1-2次以防黐底。5. 放入浸軟粉絲，按包裝指示煮熟，間中攪拌防黐底。加入辣椒、蔥綠、芝麻等裝飾，即成。
