撈起撈起，撈到風生水起 🉐！呢個吸睛又清新嘅賀年必備菜式喺餐廳食一啲都唔平，其實做法超級簡單，完全零難度容易到喊 😂。所有材料切好排好混個醬就搞掂！ 撈起嘅醬汁好五花八門，可以隨喜好mix，我就用咗之前一個salad recipe嘅dressing，另外配料都係自己按喜好配搭。今次我用咗蒟蒻麵，更輕盈同健康！ 新一年我唔需要風生水起，希望順順利利平平穩穩就夠了 😝。 更多中英食譜： FB：https://www.facebook.com/whatsboomaking2/ IG: https://www.instagram.com/whatsboomaking/ (歡迎分享我嘅食譜，但請尊重，註明出處 。) **撈起 材料 (4人份)： 蒟蒻麵 (或其他種類) 1包 三文魚刺身 10片 蟹柳 6條 三文魚子 隨喜好 (可省略) 迷你彩椒 6隻 溫室青瓜 1條 紫椰菜 1/8個 日本料酒 1湯匙 醬汁： 柚子醋醬油 3湯匙 芝麻醬 3湯匙 新鮮青檸汁 2湯匙 蜜糖 1湯匙 做法： 1. 混合醬汁，放雪櫃最少30分鐘讓味道融合。試味，按需要再調味。 2. 蒟蒻麵倒去包裝液體，略為沖洗，用開水浸30分鐘。煲滾一鍋水，加入料酒，放入蒟蒻麵按包裝指示煮熟。瀝水再沖洗數分鐘，瀝乾備用。其餘材料切幼絲備用。 3. 上菜碟上蒟蒻麵墊底，排好各樣材料，淋上醬汁，即成。
