《放工快煮系列》香茅椰子水蜆煲 呢個超級無敵簡單嘅香茅椰子水蜆煲，個湯鮮甜到不得之了，超正 😍！食完蜆可以飲埋個湯 😌！ 今次本身想用活托托蜆，平時超市一定會有。點知嗰日lunch去買餸時竟然無返貨 🤦🏻♀️！唯有放工後趕去屋企附近街市，本身諗住買貴妃蚌或北寄貝，點知老闆極力推介 (可能想清貨 😅) 呢種細細粒嘅珍珠蜆，話無沙兼鮮甜包好食，仲計平俾我，就即管信佢推介試下。果然無介紹錯，肉質鮮甜都算飽滿，湯頭好好飲！不枉我逐隻洗刷花咗啲時間 😜。 點擊圖片放大 更多中英食譜： FB：https://www.facebook.com/whatsboomaking2/ IG: https://www.instagram.com/whatsboomaking/ **香茅椰子水蜆煲 材料 (3-4人份)： 珍珠蜆 兩斤 椰子水 330ml 雞湯 150ml 香茅 2支 檸檬葉 2-3片 南薑 2片 紅辣椒 半隻 切絲 魚露 1/2茶匙 青檸汁 半個份量 做法： 1. 蜆洗刷乾淨備用。如要吐沙，用流水沖洗後，浸加入2-3茶匙鹽及幾滴油／料理酒暖水 (約40度) 最少一小時，再沖洗乾淨備用。 2. 香茅切除底部及剝開粗硬外葉，拍扁以釋出香味；檸檬葉切絲以釋出香味。 3. 鍋內加入椰子水、雞湯、香茅、南薑、檸檬葉、辣椒，加蓋。中火煮滾後加入蜆，合蓋煮數分鐘至蜆開口，移除沒有打開嘅死蜆。下魚露調味，熄火。加入青檸汁，試味，按需要再調味，即成。
