經典法式洋蔥湯，做法其實唔難，只係要啲時間、耐性同臂力 🤣！因為要不斷拌炒洋蔥令佢焦糖化 (caramelized) 而唔燶，起碼要大半個鐘！不過係值得嘅，因為好好味，而且非常heartwarming 😌。點擊圖片放大 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/(歡迎分享我嘅食譜，但請尊重，註明出處 。)**法式洋蔥湯 材料 (2人份)：黃洋蔥、紫洋蔥 各一個橄欖油 4湯匙牛油 20g牛肉高湯 800ml紅／白酒 100ml蒜蓉 1瓣百里香 1 1/2茶匙月桂葉 2塊喼汁 幾滴糖 1茶匙鹽、黑胡椒 隨口味法包 2塊Gruyere芝士碎 隨口味 做法：1. 洋蔥順紋切幼絲。不鏽鋼／鑄鐵鍋內下3湯匙橄欖油中火加熱，加入洋蔥絲兜勻，炒至軟身 (約10-15分鐘)。2. 下1湯匙橄欖油及牛油，不停翻炒至洋蔥轉啡色 (約15-20分鐘)。3. 下適量鹽調味，下糖，繼續不停拌炒至洋蔥呈深啡色 (約15-20分鐘)。4. 加入蒜蓉略炒1-2分鐘。5. 下白酒deglaze，用木／矽膠剷輕輕刮起鍋底焦化物，煮至白酒蒸發約一半。6. 下牛湯、喼汁、百里香、月桂葉，煮滾後加蓋，轉小火煮20-30分鐘。撈起月桂葉，按需要再下鹽、黑胡椒調味。7. 倒入可焗容器，放上一塊約2cm厚法包，撒上Gruyere cheese，入已預熱220度焗爐焗10分鐘左右至芝士熔化及呈金黃色，即成。 小小tips：1. 用牛肉高湯最好，但亦可以用牛味濃湯寶／雞湯代替。2. 洋蔥一定要keep住每1-2分鐘翻炒，否則會燶而唔係焦糖化。3. 要用不鏽鋼／鑄鐵鍋，易潔鍋做唔到焦糖化效果。
