呢個泰式青咖喱男朋友食到要添飯 (佢好少會咁要求),我心感安慰哈哈 🤣。準備功夫唔多,大概半個鐘煮好。我今次用咗鴨胸,用其他肉類或全素都可以。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/(歡迎分享我嘅食譜,但請尊重,註明出處 。)**泰式青咖喱鴨胸材料 (2人份):鴨胸 1件 (約200g)杏鮑菇 100g 切片法邊豆 75g青咖喱醬 2-3湯匙 椰奶 200ml雞湯 150ml檸檬葉 3-4塊 撕開香茅 切幼絲 2茶匙南薑 3-4片蒜蓉 2瓣魚露 1茶匙糖 2-3茶匙青檸汁 半個份量 做法:1. 凍鑊下鴨胸,皮向下,小火煎至皮金黃及釋出油份後,翻轉另一面煎封約1分鐘,盛起,靜置5分鐘左右切片備用。倒去多餘油份至剩約1湯匙。2. 中火下青咖喱醬、香茅、南薑、蒜蓉炒2-3分鐘炒香。下雞湯、椰奶、檸檬葉拌勻,下魚露、糖調味。3. 煮滾後下鴨胸,加蓋,轉小火煮5-6分鐘。下杏鮑菇、法邊豆煮至軟身。試味,按需要再調味。4. 熄火,加入青檸汁。下紅/青辣椒絲、芫茜裝飾,即成。