《放工快煮系列》呢個日式照燒雞扒飯超級易整,雞肉嫩滑,甜甜嘅照燒汁送飯一流,大人小朋友都一定鍾意 😋!加咗日本直菇 (雞髀菇),索哂啲醬汁,超好食。自家製照燒汁超簡單,做醃料/醬汁都得,可以一次過整多啲放雪櫃 😉。點擊圖片放大 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/(歡迎分享我嘅食譜,但請尊重,註明出處。)**日式照燒雞扒飯材料 (2人份) :雞髀扒 2塊日本直菇 一包 切片醃料:醬油 1湯匙味醂 1湯匙日本料酒 1/2湯匙糖 2茶匙照燒汁:醬油 2湯匙味醂 2湯匙日本料酒 1湯匙糖 2湯匙 (可按口味調整) 做法:1. 混合醃料,雞扒洗淨印乾,醃30分鐘。2. 下油熱鑊,雞皮向下,中火煎香一面後反轉,加入菇片,煎數分鐘至雞扒約八成熟。3. 倒入醬汁,加蓋,轉小火續煮約2-3分鐘至雞扒熟透。4. 開蓋續煮約1-2分鐘至稍為收汁,呈理想濃稠度。雞扒切件放上飯面,即成。