《放工快煮系列》日式牛肉飯 平日放工返到屋企最快都六點半，所以通常整啲唔太複雜嘅菜式，最好一煲過／一鑊熟，務求八點前開到飯 😂。呢個超簡單日式牛肉飯就係其中一個快靚正之選 👍🏻，今次我仲喺男友嗰碗加咗芝士，佢勁鍾意。自己整嘅特盛版肯定足料抵食過吉X家 😎。 點擊圖片放大 更多中英食譜： FB：https://www.facebook.com/whatsboomaking2/ IG: https://www.instagram.com/whatsboomaking/ (歡迎分享我嘅食譜，但請尊重，註明出處 🤗。) **日式牛肉飯 材料 (二人份)： 牛肉片 300g 洋蔥 1個 切絲 芝士碎 隨喜好 (可省略) 醬汁： 日本醬油 2湯匙 味醂 2湯匙 鰹魚汁 2湯匙 料酒 1湯匙 糖 2湯匙 水 2湯匙 做法： 1. 中火熱鑊，下洋蔥絲炒至開始軟身。 2. 所有醬汁材料拌勻加入鑊內，加蓋，轉小火煮5-6分鐘。 3. 加入牛肉片，加蓋再煮約3分鐘左右至牛肉熟透。 4. (可省略步驟) 加入芝士碎加熱至融化。 5. 白飯面鋪上牛肉和洋蔥，淋上醬汁，即成。
