而家日日都咁熱,最啱整返啲涼拌菜。呢個和風滷鮑魚蘿蔔宴客亦好方便,可以預先整定,隨時食都得,做餐前小食一流 👍🏻!鮑魚仔可以請海鮮檔劏好,做少個步驟 😉。鮑魚先稍為燙熟再洗刷可以避免喺洗刷過程中受刺激收縮,用醬汁餘溫浸熟亦避免鮑魚煮過熟,食落肉質會更軟滑同彈牙。不過比起鮑魚,啲蘿蔔更受歡迎,入味又爽甜,仲快過啲鮑魚被清哂 😂。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/(歡迎分享我嘅食譜,但請尊重,註明出處 。)**和風滷鮑魚蘿蔔材料 :新鮮鮑魚仔 18隻白蘿蔔 1條水 500ml日式醬油 50ml鰹魚汁 50ml味醂 100ml料理酒 50ml冰糖 2茶匙 做法:1. 煲滾一煲水,下鮑魚仔川燙約20秒後撈起,立刻放入冰水降溫。2. 鮑魚仔洗擦乾淨,背面𠝹花備用。白蘿蔔批皮切塊。3. 煲內加入水、醬油、鰹魚汁、料酒、味醂、蘿蔔,中小火煮滾後加入冰糖。4. 加蓋,轉小火煮15-20分鐘,熄火加入鮑魚仔,用餘溫焗熟。5. 降至常溫後放雪櫃過夜入味,即成。