呢個超級無敵簡單嘅香茅椰子水大蜆煲,個湯鮮甜到不得之了,超正 😍😍!食完蜆可以飲埋個湯 😋!今次用咗雙拼大蜆加花甲。我懶,所以直接用超級市場就買到嘅天然無添加椰子水 😎,當然亦可以買新鮮椰子自己開 🥥。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/(歡迎分享我嘅食譜,但請尊重,註明出處 。)**香茅椰子水大蜆煲 材料 (5-6人份):大蜆 1斤花甲 半斤椰子水 600ml雞湯 250ml 香茅 3-4支檸檬葉 3-4片 南薑 3-4片紅辣椒 1隻 切絲魚露 1茶匙青檸汁 1個份量 做法:1. 大蜆用流水沖洗後,浸加入2-3茶匙鹽及幾滴油/麻油嘅暖水 (約40度) 最少一至兩小時吐沙,再沖洗乾淨備用。2. 香茅切除底部及剝開粗硬外葉,拍扁以釋出香味;檸檬葉切絲以釋出香味。3. 鍋內加入椰子水、雞湯、香茅、南薑、檸檬葉、辣椒,加蓋。中火煮滾後加入蜆,加蓋煮數分鐘至蜆開口,移除沒有打開嘅死蜆。下魚露調味,熄火。加入青檸汁,即成。