香濃、非常簡單易整嘅忌廉蘑菇湯 🍄。最花時間應該係切材料,但其實都唔洗切得太仔細,因為最後會用blender打蓉。蘑菇不用沖洗,用廚房紙沾少量水清潔就可以。我用咗普通蘑菇加大啡菇,菇香味會更重,如果鍾意可以最後落少少松露油。素食朋友可以用蔬菜高湯代替雞湯同省去牛油、忌廉。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/**忌廉蘑菇湯材料 (約6-8碗份量):蘑菇 600g-700g 切片洋蔥 1個 切粒無鹽牛油 50g橄欖油 1湯匙紅/白酒 100ml雞湯 450ml麵粉 3湯匙蒜蓉 3瓣淡忌廉 150ml新鮮百里香 切碎 1湯匙鹽、黑胡椒 隨口味 做法:1. 鍋內下牛油、橄欖油,中火加熱至牛油融化,下洋蔥粒、蒜蓉炒香及至透明。2. 下蘑菇炒軟後,加入紅酒、百里香續煮數分鐘至稍為收汁。下麵粉充分拌勻。下雞湯。煮滾後轉小火煮10-15分鐘,間中攪拌防黐底。3. 熄火,稍為放涼。用blender打蓉至理想程度。拌入淡忌廉,用鹽、黑胡椒調味,即成。 (互相尊重,歡迎分享食譜,但請註明出處。)