《甜牙齒系列》鮮奶燉蛋白呢個超簡易免焗甜品又香又滑,只需要三種材料,做法真係超簡單,30分鐘內搞掂,隨時想食都得。凍食熱食都咁好味 😍!我用蒸焗爐,直接用爐頭隔水蒸亦得。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/**鮮奶燉蛋白材料 (2-4個份量):全脂鮮奶 450ml蛋白 4個糖 45g 做法:1. 小鍋內倒入鮮奶、糖,小火邊加熱邊攪拌至糖全溶化即可 (不要煮滾)。2. 稍為打散蛋白。邊攪拌邊倒入暖牛奶,攪拌均勻。過篩慢慢倒進小杯內避免起泡,加蓋或包上錫紙。3. 如用蒸焗爐,先用原氣蒸 (steam med) 蒸5分鐘預熱,放入蛋白蒸18-20分鐘後再焗5分鐘至蛋白凝固,即成。如隔水蒸,煲滾水後中火蒸約15分鐘,熄火 (不要開蓋) 再焗約5-10分鐘,即成。 (歡迎分享食譜,但請尊重,註明出處 🤗。)