應該好多朋友鐘意泰國菜 ，今次一次過分享兩個食譜，照板煮碗就可以輕鬆搞掂一餐 😉！男朋友超愛冬蔭功，之前都整過幾次，用現成冬蔭醬其實好方便，一啲都唔難整，其他材料喺普通超級市場、街市就買到。正宗冬蔭功唔會落茄子，只係個人口味，海鮮亦可以按自己喜好用其他種類，今次我就用咗急凍虎蝦仁同魚腐，椰奶亦可落可唔落。點擊圖片放大 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**冬蔭功湯材料 (2-3人份)：Blue Elephant冬蔭醬 4湯匙急凍虎蝦仁 10-12隻 魚腐 8-10粒蕃茄 1個 切大塊泰國茄子 3-4隻 切半 (可省略)杏鮑菇 (或其他菇類) 100g 切片椰奶 100ml (可省略)水 500ml香茅 2枝南薑 3-4片紅蔥頭 1-2粒 切片檸檬葉 3-4片 撕開糖 1茶匙魚露 1湯匙青檸汁 1個份量辣椒 半隻 切幼絲 (裝飾用) 做法：1. 香茅切除底部及粗硬外葉，拍扁以釋出香味，其中一枝切碎。虎蝦仁解凍，洗淨印乾。用小量米酒加胡椒粉除腥／辟雪味再印乾。2. 下少量油熱鍋，中火爆香紅蔥頭、香茅粒、南薑後，加入水、冬蔭醬、檸檬葉、另一枝香茅拌勻。煮滾後下糖、魚露調味。試味，按需要再調味。3. 下菇、茄子、蕃茄、魚腐、蝦仁，再煮滾後轉小火，下椰奶煮數分鐘至材料熟透。熄火，加入青檸汁，試味，即成。 小小tips:1. 急凍蝦仁印乾及用米酒、胡椒粉辟味，放雪櫃15-20分鐘可令肉質更爽脆。**泰式炒通菜材料 (2人份)：通菜 半斤辣椒 2隻蒜頭 2瓣 醬汁：醬油 2茶匙魚露 2茶匙蠔油 2茶匙糖 1/2茶匙水 3湯匙做法：1. 通菜洗淨瀝乾，切段；辣椒切幼絲；混合醬汁。2. 下油熱鍋，中大火爆香蒜頭及辣椒，下通菜快炒至開始變軟，下醬汁炒勻，即成。 (歡迎分享我嘅食譜，但請註明出處 🤗。)
