《放工快煮系列》南瓜雞肉炊飯+蒜蓉炒椰菜。又一懶人料理!所有材料揼哂落電飯煲就搞掂 😆。雞肉用香料稍為醃過,一打開蓋超香!如果你無呢啲香料,用普通鹽、黑胡椒等都可以。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/**南瓜雞肉炊飯材料 (2-3人份):去骨雞髀扒 2塊牛油南瓜 300g本菇 100g蔬菜高湯/雞湯+水 略少於1.5杯米 1.5杯鹽、黑胡椒 隨心醃料:芹鹽 1茶匙芫荽粉 1/2茶匙咖喱粉 1/2茶匙 做法:1. 雞髀扒印乾,切一口大小,用醃料醃15-30分鐘。2. 牛油南瓜去籽去皮,切約2cm x 2cm大小。3. 電飯煲內加米、高湯+水、雞肉、南瓜粒、菇,啟動煮飯模式。煮好後拌勻,試味,按需要再用鹽、黑胡椒調味,即成。 小小tips:1. 煮飯時總水量可以比平時煮飯略少,因為食材會出少少水,如水量同平時一樣可能會太濕。2. 高湯:水比例可按喜好調整。我用咗3:1。