《放工快煮系列》 之前我office喺新蒲崗，附近有間叫窩子嘅高質小店，食物好有誠意同質素。其中一款男朋友好鍾意嘅主菜係韓式泡菜豬肉酥皮pizza，不過佢哋嘅lunch menu成日轉，所以可遇不可求 😅。不過自從調咗office之後就無食過了。 最近買咗包酥皮就諗起呢個pizza，一於試下自己複製！做法好簡單，唔洗自己整批底，30分鐘食得，超級方便 😁！酥脆flaky嘅批底加惹味toppings，正！男朋友都好滿意 😋😎！ 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/ **韓式泡菜豬肉酥皮pizza材料 (可做一個約11吋pizza)：急凍酥皮 1塊 (約250g)豬腩片 180g泡菜 150g 切碎洋蔥 1/4個 切幼絲蛋 1隻芝士碎 隨意 醃料：醬油 1 1/2茶匙米酒 1 茶匙麻油 少許黑胡椒 隨意甜椒粉 隨意 (可省略)卡宴胡椒 隨意 (可省略) pizza醬：韓式辣醬 2湯匙蕃茄意粉醬 2湯匙 茄膏 1湯匙 做法：0. 焗爐預熱至200度。豬腩片用醃料醃15分鐘。混合pizza醬。1. 酥皮解凍後稍微擀壓至約2mm厚，捲起邊緣成批底，用叉插洞以防酥皮漲起。入焗爐焗10分鐘。2. 取出批底，爐溫調高至230度。3. 批底搽上pizza醬，鋪上各種材料 (除蛋外)，入爐焗15-20分鐘。下蛋，再焗數分鐘至蛋成理想生熟度，即成。
