《甜牙齒系列》 要數最受歡迎甜品，心太軟一定榜上有名，切開蛋糕朱古力漿流出一刻真係好治癒 😌！係屋企整其實一啲都唔難，由準備到食得唔洗30分鐘 😉！成本超低，又一樣以後都唔會出街點嘅嘢 😜。當然要做出完美流心就可能要做多幾次調整 (不過咁好味又容易，整多幾次有咩所謂 🙈🙊🐵)。 更多中英食譜： FB：https://www.facebook.com/whatsboomaking/ IG: https://www.instagram.com/whatsboomaking/ **朱古力心太軟 🍫 材料(可做3-4個份量)： 可可含量70%黑朱古力 100g 無鹽牛油 70g 蛋 2隻 糖 65g 雲呢嗱香油 1茶匙 中筋麵粉 35g 海鹽 一小撮(可省略) 做法： 1.焗爐預熱至200度。模具內掃少許牛油(份量外)，薄薄撒上一層麵粉(份量外)，方便脫模。放雪櫃5-10分鐘備用。 2. 黑朱古力加牛油隔水煮溶。 3. 蛋混合糖打勻，加入朱古力牛油溶液拌勻，拌入過篩麵粉。加入雲呢嗱香油及海鹽調味。 4. 將材料倒入模具至八九成滿，入爐焗8-10分鐘。 5. 出爐後，放一隻碟在模具上，反轉，小心脫模，即成。 小小tips: 1. 焗爐時間溫度只供參考，要按自己焗爐調節，小杯材質厚薄度亦會有影響。我自己整咗三、四次先調整到自己滿意嘅流心度。
