《甜牙齒系列》 之前男朋友嘅美國朋友邀請我哋去佢哋屋企，我整咗呢個焗藍莓芝士蛋糕做見面禮。口感幼滑、唔會「實的的」，男朋友同佢朋友夫婦都大讚。濃濃藍莓味，因為用咗差唔多三盒藍莓 😋😋！點擊圖片放大 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/ **焗藍莓芝士蛋糕材料 (可做一個6吋蛋糕)：餅底：消化餅碎 80g無鹽牛油溶液 40g 芝士蛋糕部分：忌廉芝士 (室溫) 250g藍莓 125g 酸忌廉 180g原味希臘乳酪 90g淡忌廉 80ml糖 100g蛋 (室溫) 2隻低筋／中筋麵粉 15g雲呢嗱香油 1/2茶匙檸檬香油 1/4茶匙 或 檸檬汁 10ml藍莓醬：藍莓 200g糖 50g檸檬汁 15ml雲呢嗱香油 1/4茶匙 做法：0. 焗爐預熱至170度。蛋糕模內用牛油紙圍邊。1. 混合消化餅碎及牛油溶液，倒入6吋活底蛋糕模內，壓平備用。2. 忌廉芝士室溫放軟，加入糖，用膠刮攪拌至幼滑。加入酸忌廉及希臘乳酪拌勻。3. 加過篩麵粉拌勻，再依次加入蛋、淡忌廉、雲呢嗱香油＋檸檬汁、藍莓 (125g)，逐項拌勻後加入下一樣。4. 蛋糕料倒進蛋糕模內。外面包上1-2層錫紙。5. 用水浴法，入已預熱170度焗爐焗30分鐘，轉160度焗30-40分鐘。6. 打開焗爐門，留一小罅讓蛋糕慢慢降溫。放涼後放雪櫃雪4小時以上。7. 做藍莓醬。小鍋內加入藍莓 (125g)、糖、檸檬汁、雲呢嗱香油，中火煮滾後轉最小火煮數分鐘至理想濃稠度，間中攪拌以妨煮焦。熄火，加入餘下藍莓拌勻。藍莓醬放涼後會變杰，塗在蛋糕上，即成。點擊圖片放大 +2 小小tips:1. 每個焗爐爐溫不同，時間溫度按需要調整。2. 蛋糕同藍莓醬都可以預早一日準備。蛋糕雪凍後，食前放室溫稍微回溫會更軟滑好食！
