去coffee shop／餐廳，好多人都鐘意點poached eggs (波蛋)，一個多士加隻波蛋即刻升價十倍。切開蛋黃流出一刻真係好治癒 😌。可能好多人會覺得波蛋好fancy好難整，其實材料同做法都唔複雜 😉！跟住以下食譜步驟同小技巧，基本上零失敗 😎😎！而且自己整比喺coffee shop食平得多！呢份牛油果水波蛋多士成本只係$20 😁😁！點擊圖片放大 +2 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/**牛油果水波蛋多士材料 (1人份)：酸種麵包 1塊牛油果 1個 切碎喼汁 幾滴青檸汁 少許鹽、黑胡椒 一小撮Chipotle蛋黃醬 (或用忌廉芝士／希臘乳酪代替)水波蛋：蛋 2隻水 1L白醋 1湯匙鹽 1/2茶匙 做法：1. 牛油果用喼汁、青檸汁、鹽、黑胡椒拌勻，放雪櫃10分鐘。2. 小鍋內一鍋水下醋、鹽拌勻 (水位最少8-10cm深) 小火煮至小滾，避免有氣泡。打蛋入碗內。3. 用筷子／匙羹攪拌水形成漩渦，再貼近水面慢慢倒入蛋，煮3-4分鐘至理想程度，用網撈起瀝乾。4. 麵包稍為烘熱，搽上蛋黃醬，鋪上牛油果，再加水波蛋，下一小撮鹽、黑胡椒調味，即成。 小小tips：1. 煮3分鐘左右效果最流心；4分鐘左右係流心＋少少溏心效果。可以按自己喜好調整。
