《甜牙齒系列》【免焗／無蛋／無麵粉】 之前朋友聚會整咗呢個幼滑、有淡淡薰衣草及伯爵茶香嘅免焗芝士蛋糕。因為有朋友唔食得太甜，今次我減咗糖份量。乾薰衣草及伯爵茶比例、濃度可以按喜好自己調整，或用茶包代替。 點擊圖片放大 更多中英食譜： FB：https://www.facebook.com/whatsboomaking/ IG: https://www.instagram.com/whatsboomaking/ **免焗薰衣草伯爵茶芝士蛋糕 (減糖版) 材料 (可做一個6吋蛋糕)： 餅底： 消化餅碎 80g 無鹽牛油溶液 30g 芝士蛋糕部分： 忌廉芝士 (室溫) 250g 原味希臘乳酪 90g 淡忌廉 200ml 鮮奶 100ml 伯爵茶葉+乾薰衣草 10g 糖 40g+20g 雲呢嗱香油 1茶匙 魚膠片 3 1/2塊 (約8.5g) 做法： 1. 混合消化餅碎及牛油溶液，倒入6吋活底蛋糕模內壓平，放雪櫃備用。魚膠片浸冰水，浸軟備用。 2. 忌廉芝士室溫放軟，加入糖 (40g)，用膠刮攪拌至幼滑。加入希臘乳酪拌勻。 3. 牛奶中小火加熱至邊緣現小泡泡時熄火 (不用煮滾)。伯爵茶葉+乾薰衣草放入茶袋，放進熱牛奶10-15分鐘。移除茶包，加入魚膠片攪拌至徹底溶化。 4. 淡忌廉加糖 (20g)，用攪拌器打發至厚身及有紋路。 5. 混合2、3、4項，再加入雲呢嗱香油拌勻，倒入蛋糕模內，放雪櫃最少4小時或過夜至凝固，按喜好裝飾，即成。 小小tips: 1. 準備餅底時，用保鮮紙包住一隻玻璃杯底部輕壓，就可以輕易平均壓平餅底又唔會黐住。
