台式滷肉飯加滷蛋係我其中一樣最愛，簡單但超級下飯，每次去台灣必食，而家冇得去就自己整！滷肉飯其實之前已經整過，不過今次有台灣朋友教路，改良咗食譜，真係比上次更好食！重點係用香料調味！另外今次用咗五花腩混合免治豬肉，口感更好 (當然想健康啲可以全部用免治肉)！😋😋 今次我用返燜燒鍋，趁lunch time (WFH) 煮滾後放入外鍋，完全唔洗睇火。夜晚做完嘢再滾返15-20分鐘就食得，已經夠哂入味。 溏心蛋食譜 👉🏻https://blog.ulifestyle.com.hk/whatsboomaking/4098380/%E7%B0%A1%E6%98%93%E9%A3%9F%E8%AD%9C-%E6%BA%8F%E5%BF%83%E6%BB%B7%E8%9B%8B 涼拌青瓜食譜 👉🏻https://blog.ulifestyle.com.hk/whatsboomaking/4098377/%E7%B0%A1%E6%98%93%E9%A3%9F%E8%AD%9C-%E6%B6%BC%E6%8B%8C%E9%9D%92%E7%93%9C 更多中英食譜： FB：https://www.facebook.com/whatsboomaking/ IG: https://www.instagram.com/whatsboomaking/ **台式滷肉飯 材料 (4人份)： 五花腩 500g 切小粒 免治豬肉 300g 乾冬菇 8-10隻 蒜蓉 2-3瓣 炸蔥頭 2-3湯匙 (可省略) 調味料： 醬油 70ml 醬油膏 2湯匙 (可用普通醬油代替) 冬菇水 100ml 清水 400ml 冰糖 2湯匙 米酒／料理酒 2湯匙 茴香籽 1茶匙 (可省略) 八角粉 1/2茶匙 或 八角 1粒 (可省略) 花椒粉 1/2茶匙 (可省略) 白胡椒粉 1/2茶匙 (註：茴香籽＋八角粉＋花椒粉可用1 1/2茶匙五香粉代替) 做法： 1. 乾冬菇輕輕沖洗乾淨，先浸15分鐘，再沖洗一次，再浸軟，去蒂切粒，保留冬菇水。 2. 在燜燒鍋內鍋下少許油中大火熱鍋，下五花腩及免治豬肉，靜置煎至一面轉色後翻轉煎。重覆以上步驟數次至豬肉有焦香。❗️重點：過程中豬肉會出水，要俾啲耐性拌炒至收水、乾身，效果先會好！ 3. ‼️重要步驟：另一小鍋內，下冰糖及2湯匙水，小火煮至冰糖融化、冒泡及焦糖化，加進豬肉拌勻。 4. 加入冬菇、蒜蓉炒香。 5. 加入醬油、醬油膏拌勻，加入冬菇水＋清水至剛蓋過豬肉，下茴香、八角、花椒、胡椒粉，中大火煮10-15分鐘後加蓋，熄火，原煲放入外鍋內，燜焗一至兩個鐘左右已經入味。 6. 食前原鍋取出，加入炸蔥頭再煮15-20分鐘至稍為收汁，淋上白飯，撒上額外炸蔥頭和加滷蛋，即成。 點擊圖片放大 小小tips： 1. 炒豬肉程序不能偷懶，要炒至有焦香、乾身，效果先會好。 2. 配麵一樣好食！ 3. 醬油膏／油膏係台式料理常用調味，比普通醬油杰身同甜少少。如果無亦可用普通醬油代替，份量請自行調整。 4. 台式滷肉醬油：水比例一般1:4 或 1:5左右。每個牌子醬油鹹度唔同，份量請按自己口味調整 😉。 5. 如果用普通鍋，中大火滾起後加蓋，轉小火燜一個鐘左右就ok。
