之前整過香茅椰子水大蜆煲 (https://blog.ulifestyle.com.hk/whatsboomaking/4100313/%E7%B0%A1%E6%98%93%E9%A3%9F%E8%AD%9C-%E9%A6%99%E8%8C%85%E6%A4%B0%E5%AD%90%E6%B0%B4%E5%A4%A7%E8%9C%86%E7%85%B2) 好受大家歡迎，今次再分享另一個西式煮法：白酒蒜片牛油煮蜆。呢個食譜比椰子水大蜆煲更容易、材料更簡單，但一樣鮮甜好味！15分鐘內煮好！點麵包或者配意粉都超正！今次用咗紐西蘭鑽石蜆，唔洗吐沙更方便。白酒用最普通超級市場嗰啲就可以了，最常用嘅chadonnay／Sauvignon Blanc／Pinot Grigio等都得，唔想落酒亦可以用雞湯代替，或一半一半。 更多中英食譜： FB：https://www.facebook.com/whatsboomaking/ IG: https://www.instagram.com/whatsboomaking/ **白酒蒜片牛油煮蜆 材料 (3-4人份)： 紐西蘭鑽石蜆 1kg 無鹽牛油 70g 雞湯／白酒 250ml 蒜頭 3-4瓣 切片 新鮮香草 切碎 2湯匙 (我用咗番茜、刁草、細葉芹) 檸檬汁 1湯匙 做法： 1. 紐西蘭鑽石蜆沖洗乾淨，移除殼有破損嘅蜆。 2. 小鍋內下約20g牛油，中火煮溶後下蒜片炒香。 3. 下雞湯／白酒及檸檬汁煮至小滾及蒸發約三份一後，下蜆及餘下牛油，下鹽、黑胡椒調味。加蓋中小火煮7-8分鐘至蜆開口，移除沒有打開嘅死蜆。 4. 熄火，下香草碎拌勻，再用檸檬片及額外番茜裝飾，即成。
