源自美國嘅海鮮鍋惹味、做法唔複雜，而且好吸睛，啱哂同屋企朋友食飯時開心share！海鮮種類可以自由選擇，今次我用咗澳洲龍蝦、北海道元貝、大頭蝦同大蜆 (每人成本只係百幾蚊！) ，之前整亦試過用蟹同鮑魚。薯仔同粟米係海鮮鍋指定配料，吸收哂調味料同海鮮嘅精華，超級好食 😋！傳統海鮮鍋亦會有煙燻香腸，我就無加。美式海鮮鍋嘅調味料通常係cajun/old bay，少少辣，比較惹味，辣度可以按口味自行調節 😉。 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/**美式海鮮鍋 材料 (四人份)：海鮮 自由配搭粟米 2-3支 切件新薯 3-4個 切約1.5cm厚片蒜頭 5-6瓣 拍扁洋蔥 1個 切大塊檸檬 2個 一開四月桂葉 2-3塊水 2-2.5L新鮮番茜 2-3枝新鮮刁草 2-3枝Cajun/Old bay調味料 4湯匙 (可用現成或自己mix，見下面)無鹽牛油 100g 調味料 (可做約10湯匙份量)：芹鹽 1湯匙 (可用岩鹽代替)岩鹽 1湯匙蒜粉 2湯匙甜椒粉 2湯匙洋蔥粉 1湯匙黑胡椒 1湯匙乾牛至 1湯匙乾百里香 1湯匙卡宴胡椒粉 2茶匙辣椒碎 1/4茶匙 (可省略)丁香粉 1/8茶匙 (可省略)玉桂粉 1/8茶匙 (可省略)豆蔻粉 1/8茶匙 (可省略) 做法：1.處理海鮮、洗擦沖洗乾淨。2.大鍋內加入水、粟米、蒜頭、洋蔥、檸檬、月桂葉、新鮮香草、4湯匙調味料，煮至大滾。3.下薯仔，煮至可用筷子穿過。撈起檸檬及香草。4.按所需煮熟時間依次加入各種海鮮。同時間，另一小鍋內小火煮溶牛油，下1湯匙調味料及美式辣醬 (可省略) 拌勻，按需要再用鹽、黑胡椒調味。5.海鮮轉移至上菜盤，淋上調味牛油汁，加番茜碎及檸檬裝飾，即成。點擊圖片放大
