如果話整肉丸通常都係配意式蕃茄醬或者日式咖喱，今次呢個食譜參考NYT Cooking食譜作者 Melissa Clark，肉丸加咗孜然粉，煎嗰陣非常香！個汁主要用stone fruits (桃／布冧／桃駁李等) 煮成，酸酸甜甜非常開胃。呢個係目前為止男朋友最滿意嘅肉丸！做法其實同普通肉丸差唔多，而且係一鑊搞掂，大家可以試下呢個比較特別嘅做法 😉！ 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/**香煎肉丸配核果汁材料 (3-4人份，可做約15-18粒肉丸)：免治豬肉 300g免治牛肉 200g蒜蓉 2瓣薑蓉 1湯匙新鮮番茜 切碎 3湯匙麵包糠 40g蛋 1隻孜然粉 1 1/4茶匙芫茜粉 1/2茶匙鹽、黑胡椒 適量紫洋蔥 半個 切幼絲核果 (桃／布冧／桃駁李等) 3-4個 切塊／粒橙汁 半個 (或白酒／雞湯 3湯匙)青檸汁 半個 做法：1. 混合免治肉、蒜蓉、薑蓉、番茜、麵包糠、蛋、孜然粉、芫茜粉、鹽、黑胡椒，捏成約肉丸。 2. 平底鍋內下油，中火熱鍋。下肉丸煎至表面成啡色，移至一邊。3. 加橙汁deglaze，下核果、一少撮鹽、2湯匙水，加蓋，中小火煮5-10分鍾至肉丸熟透及核果變軟。4. 下洋蔥絲稍為煮軟，下青檸汁。試味，按需要下鹽、黑胡椒或額外青檸汁調味。按喜好在肉丸撒上額外孜然粉，即成。 小小tips:1. 混合肉丸材料時拌勻即可，過份攪拌會令肉丸變硬。
