圓碌碌、細細粒、外表鮮豔嘅櫻桃蘿蔔，好多時都只係被用嚟做伴碟，好多人亦未必鍾意佢生食時微苦／微辛嘅味道，但其實經醃製或煮過後辛味會消失，留返靚靚嘅粉紅色同爽脆口感 😉！ 呢個醋漬櫻桃蘿蔔超級簡單，成品係非常少女嘅淡粉紅色 😍，我覺得同日式料理好夾，燒肉時做配菜又可以即時消膩。大家不妨試吓 💟！更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/**醋漬櫻桃蘿蔔材料：櫻桃蘿蔔 8-10粒蘋果醋／白醋 30ml暖水 120ml糖 2茶匙鹽 1/2茶匙新鮮刁草 切碎 1湯匙 做法：1.櫻桃蘿蔔洗淨抹乾，切薄片，加入刁草拌勻。2. 暖水中加入糖、鹽，攪拌至溶化，再拌入蘋果醋。 3. 所有材料放入一乾淨、密封玻璃瓶，放雪櫃最少1-2小時，即成。成品可放雪櫃保存2-3星期。
