好耐冇整呢個巴斯克焦香芝士蛋糕了，源至西班牙兼New York Times評選2019年度甜品，佢應該係其中一款最容易整嘅蛋糕！唔怕燶、唔洗擔心表面唔夠平滑、唔洗水浴法，最難係要等幾個鐘先食得 🤣。外表rustic，其貌不揚但超級好食！口感比一般芝士蛋糕輕盈，無咁甜膩，會忍唔住一啖接一啖哈哈 😜！材料同做法都好簡單，唔洗電動攪拌器都輕易做到。😎更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/ **巴斯克焦香芝士蛋糕材料 (可做一個6吋蛋糕)：忌廉芝士 (室溫) 227g 淡忌廉 120ml糖 70g低筋麵粉 10g蛋 (室溫) 2隻檸檬汁 1茶匙雲呢嗱香油 1/2茶匙 做法：0. 焗爐預熱至220度。蛋糕模內鋪牛油紙 (牛油紙比蛋糕模邊緣高2-3cm)。1. 忌廉芝士室溫放軟後，用膠刮攪拌至軟滑。分兩次加入糖，充分混合至幼滑無顆粒。2. 逐隻蛋加入，徹底拌勻。3. 加入過篩麵粉攪拌至幼滑，再混入淡忌廉。4. 下檸檬汁、雲呢嗱香油拌勻。5. 模具內倒入蛋糕混合物，220度焗35-45分鐘，再按需要調高至230度焗5-10分鐘。 6. 蛋糕剛出爐應呈輕微晃動狀態。放涼後放雪櫃最少4-5小時或過夜，脫模，即成。 小小tips:1. 可用少量水稍微沾濕牛油紙，更容易鋪上蛋糕模，但無需完全貼服，可以鋪兩層確保完全覆蓋蛋糕模。
