普羅旺斯燉菜係法國一個經典家常菜，如果你有睇過Pixar嘅《五星級大鼠》就更加唔會對呢個菜式陌生。做法一啲都唔難，只係將各種蔬菜切薄片同排好呢個步驟比較花時間 (其實我個人覺得幾治癒 🤣)。你可以用切片器幫手，或直接切粒唔洗排圈圈，感覺更rustic，一樣咁好味。蔬果種類可以自己搭配，但記得夾返大小同易熟程度相若嘅組合 😉。 **普羅旺斯燉菜材料 (4人份)：意大利青瓜 1條翠玉瓜 1條黃櫛瓜 1條長茄子 1條蕃茄 2個醬汁：蕃茄蓉 500g洋蔥 半個 切粒燈龍椒 1個 切粒蒜蓉 2茶匙新鮮羅勒 切絲 2茶匙糖 1茶匙鹽、黑胡椒 隨口味 調味油：橄欖油 4湯匙百里香 (乾) 1茶匙番茜 (乾) 2茶匙蒜蓉 1茶匙做法：1. 意大利青瓜、翠玉瓜、黃櫛瓜、茄子、蕃茄洗淨，切約2-3mm厚片備用。混合調味油備用。2. 焗爐預熱至190度。3. 下橄欖油熱鍋 (22cm圓鍋)，中火炒香洋蔥、燈籠椒、蒜蓉及至軟身。加蕃茄蓉煮至小滾，下鹽、糖、黑胡椒調味，拌勻。熄火，加入羅勒拌勻。4. 意大利青瓜、翠玉瓜、黃櫛瓜、茄子、蕃茄片交替由外圍至內排列在醬汁上至排滿，用鹽／黑胡椒調味。均勻淋上調味油，用錫紙封頂，入焗爐焗40-45分鐘。移除錫紙再焗20-25分鐘，即成。 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
