Tacos嘅餡料非常多變化，豬牛羊雞素海鮮都得，總有一款適合你口味，所以亦係好啱宴客嘅菜式！除咗一件件完整嘅tacos，其實仲可以先準備好各種配料，食嗰陣大家按自己喜好組合，好似buffet咁，感覺更開心！😁 平時喺墨西哥餐廳食一個taco最少七、八十蚊，其實自家製做法唔難，而且成本好平！😎 今次我整咗焗脆魚柳同惹味cajun蝦兩款tacos。一般餐廳嘅fish tacos通常係用粉漿包住嘅炸魚柳，當然都好好食，不過我唔鍾意喺屋企炸嘢，用焗爐一樣可以做到酥脆效果。Taco餅皮我用現成嘅，大部份超級市場都可以買到。以下份量材料整到八件tacos，魚同蝦各四件。 **椰菜絲沙律材料：紫椰菜 1/4個日本椰菜 1/4個酸忌廉 (可用希臘乳酪代替) 2湯匙蛋黃醬 1湯匙青檸汁 2湯匙蘋果醋 1湯匙新鮮番茜／芫茜 切碎 2湯匙蒜粉 1/2茶匙孜然粉 1/4茶匙鹽、黑胡椒 隨口味做法：1. 椰菜沖洗乾淨，切幼絲，放一大碗內，下1/8茶匙鹽輕輕搾壓約30秒令椰菜絲稍為軟身及釋出多餘水份，瀝乾。2. 混合醬汁材料，試味，有需要再調味。加進椰菜絲拌勻，放雪櫃約一小時，即成。**辣椒青檸忌廉醬 (taco sauce)材料：酸忌廉 (可用希臘乳酪代替) 3湯匙Chipotle辣椒蛋黃醬 2湯匙 (可用全脂原味蛋黃醬+辣椒粉／原隻辣椒＋甜椒粉代替)青檸汁 2-3湯匙新鮮番茜／芫茜 切碎 2湯匙蜜糖 1/4 茶匙 (可省略)鹽、黑胡椒 隨喜好做法：1. 用攪拌器或膠刮充分混合各種材料至幼滑。試味，按需要再調味。食用時淋上taco，即成。**焗脆鱈魚柳材料：急凍去皮鱈魚柳 300g麵包糠 50g蛋 1隻孜然粉 1/2茶匙蒜粉 1茶匙卡宴胡椒粉 1/2茶匙鹽 1/2茶匙黑胡椒 1/2茶匙做法：1. 麵包糠用平底鑊最小火烘至微微轉色，混合孜然粉、蒜粉、卡宴胡椒粉、鹽、黑胡椒，放涼備用。2. 鱈魚柳解凍，沖洗乾淨，徹底印乾。先沾上蛋液，再包上麵包糠，放上已鋪錫紙及掃油焗盤。3. 表面噴少許油，入已預熱至200度焗爐焗約15分鐘 (視乎厚度調整) 至熟透及表面金黃，即成。4. 魚柳用叉分成小塊備用。 **Cajun蝦仁材料：急凍虎蝦仁 250gCajun調味料 1湯匙 做法：1. 蝦仁解凍沖洗後印乾，加入cajun調味料及少許橄欖油放雪櫃醃最少1小時。2. 平底鑊內中火煎至蝦仁熟透，即成。 **其他建議配料：牛油果 1個 切片乾蔥頭 2-3粒 切幼絲／切碎櫻桃蘿蔔 1-2粒 切薄片青檸角新鮮番茜／芫茜 切碎 大量紅／青辣椒 切碎 隨喜好芝士碎 隨喜好 準備好所有材料之後就係最好玩嘅步驟 － 砌taco！Taco皮用平底鑊小火煎烘，先鋪椰菜絲，加上魚柳／蝦仁，淋上醬汁，再按喜好加上各種配料，即成。一啖食哂咁多種材料，口感味道都非常豐富！😋 大家都試下整啦！🤩更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
