呢個香煎鱈魚柳配白酒蕃茄香草汁真係零難度,超級無敵簡單 (認真),10分鐘準備,15分鐘煮好!顏色又靚,醬汁酸酸甜甜配皮脆肉滑嘅鱈魚柳好開胃!絕對出得廳堂。 **香煎鱈魚柳配白酒蕃茄香草汁材料 (1人份):鱈魚柳 1件 (約150g)彩色車厘茄 15-20粒 切半蒜頭 1粒 切片新鮮番茜 切碎 1湯匙新鮮羅勒 切碎 1湯匙白酒 40ml檸檬汁 1湯匙糖 1茶匙鹽、黑胡椒 隨喜好 做法:1. 鱈魚柳洗淨印乾,用鹽、黑胡椒兩面調味。2. 小鍋內下橄欖油中火炒香蒜片後,下車厘茄煮至開始軟身。下白酒煮至小滾,下香草、檸檬汁、糖,用鹽、黑胡椒調味,煮至稍為收汁,即成。3. 煮醬汁同時喺另一平底鑊下橄欖油中大火預熱後轉中小火,魚皮向下,靜置煎至魚皮香脆後翻轉煎另一面至魚肉熟透。4. 上菜時車厘茄鋪底,放上魚柳,淋上醬汁,即成。 更多中英食譜:FB:https://www.facebook.com/whatsboomaking/IG: https://www.instagram.com/whatsboomaking/