超簡易但極邪惡版朱古力梳乎厘 😈😈！ 個樣唔係太靚仔但絕對超級好味！呢個食譜比一般梳乎厘食譜簡單，只需要兩種主要材料，啱哂想食甜品又唔想準備一大輪嘅時候，但真係非常邪惡，尤其是夜晚食 🤭...**簡易版朱古力梳乎厘材料 (2個份量)：朱古力榛子醬 150g蛋 2隻牛油 少許糖 少許海鹽 一小撮 (可省略)糖霜 隨喜好 (可省略) 做法：0. 焗爐預熱至190度。1. 梳乎厘容器內壁向上塗少許牛油，均勻薄薄撒上一層糖 (幫助梳乎厘爬升)，放雪櫃備用。2. 蛋黃蛋白分開。混合朱古力榛子醬及蛋黃，可加入一小撮海鹽令味道更有層次。 3. 蛋白加入一茶匙糖，用打蛋器打至企身。先加小部分蛋白霜進朱古力混合物拌勻，再加入餘下蛋白霜輕力拌勻。4. 從雪櫃取出容器，倒入混合物至接近全滿。190度焗15-17分鐘，隨喜好撒上糖霜，即成。 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
