做法一啲都唔複雜嘅焗羊架，用幾種香料醃一晚再焗就搞掂，惹味之選。 大家買羊架或羊扒記住買法式 (french cut，包裝會寫明)，即係已經斬咗背骨同去咗幼骨嘅筋膜同中間嘅肉，就唔洗咁麻煩，食嗰陣亦好容易分開一件件。之前試過買咗未經處理嘅羊架，唯有頂硬上自己動手french，一路睇住Youtube教學，完全體會到咩係刀仔据大樹！😅 不過有時買咗french cut都未必清得好乾淨，如果唔太介意可以由得佢，否則可以自己再修剪下。**孜然焗羊架材料 (8件羊扒)：法式羊架 1排 (約650g)醃料：孜然粉 1湯匙芫荽粉 2茶匙黑胡椒 1茶匙甜椒粉 1/2茶匙玉桂粉 1/2茶匙茴香籽 1/2茶匙糖 1/2茶匙鹽 1/2茶匙卡宴胡椒粉 1/4茶匙蒜蓉 2瓣橄欖油 2湯匙 做法：1. 法式羊架沖洗乾淨，印乾，除去多餘脂肪，喺表面𠝹幾吓幫助入味。混合乾醃料及蒜蓉，再加入橄欖油拌勻，均勻搽上羊架各面，放雪櫃醃一晚。 2. 焗前預早一小時從雪櫃取出羊架回溫，可再按喜好在表面撒上額外孜然粉。焗爐預熱至200度，羊架放已鋪錫紙焗盤上，焗20-25分鐘 (半生熟程度)，取出後蓋上錫紙靜置8-10分鐘，即成。 小小tips：1. 每個焗爐爐溫唔同，控制時間需要亦視乎羊架大小，可能需要自己觀察再調整，最好用食物溫度計。更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
