酸酸甜甜、微辣嘅蕃茄莎莎,加上皮脆肉滑嘅鱈魚,就係一個色彩繽紛又開胃嘅前菜。 **香煎鱈魚配蕃茄莎莎醬材料 (4人份):香煎鱈魚:急凍鱈魚柳 150g蒜鹽 適量番茜/百里香 適量莎莎醬:蕃茄 1個紫洋蔥 半個新鮮番茜/芫茜 2-3支紅辣椒 去籽 隨喜好 綠辣椒 去籽 隨喜好青檸汁 1個鹽 隨喜好黑胡椒 隨喜好牛至 一小撮孜然粉 一小撮 做法:1. 蕃茄、紫洋蔥、番茜、紅辣椒、綠辣椒略切後加進食物處理器,用最低速逐下打成小粒,下鹽、黑胡椒、牛至、孜然粉、青檸汁調味。試味,按口味調整材料份量。放雪櫃備用。 2. 鱈魚柳解凍,沖洗乾淨,徹底印乾,用適量蒜鹽、乾香草兩面調味。平底鑊下橄欖油,中大火燒熱後轉中小火,魚皮向下下鱈魚柳煎至魚皮金黃香脆,小心翻轉另一面煎至魚肉熟透。 3. 小杯內加入莎莎醬,放上鱈魚柳,加青檸裝飾,即成。 小小tips:1. 用食物處理器時可以用最低速,唔洗打得太碎,以保留口感。2. 莎莎醬可預早1-2日做好,放雪櫃保存。更多中英食譜:FB:https://www.facebook.com/whatsboomaking/IG: https://www.instagram.com/whatsboomaking/