第一次整冬蔭功湯，用現成冬蔭醬加埋超級市場就買到嘅材料包，其實幾易整。最難係處理啲生蝦 (我嘅第一次)！😬 下次我會用返急凍蝦仁哈哈。今次我用咗田師傅，之前用過佢嘅叻沙醬都好味。如果用其他牌子，調味料配搭請跟返包裝建議。今次整得比較辣，如果唔食得辣可以減冬蔭醬份量，或加椰奶同水份量。 **冬蔭功湯材料 (4人份)：冬蔭醬 一包 200g大蝦 半斤大蜆 半斤蕃茄 1個 切大塊泰國茄子 4隻 切半杏鮑菇 (或其他菇類) 100g 切片椰奶 100ml 水 800ml香茅 2枝南薑 3-4片辣椒 半隻檸檬葉 3-4塊 撕開糖 2茶匙魚露 2茶匙青檸汁 1個 做法：1. 大蜆用流水沖洗後，浸暖鹽水 (約40度) 最少一小時吐沙，再沖洗乾淨備用。大蝦去殼挑腸，沖洗乾淨備用。2. 香茅切除底部及粗硬外葉，拍扁以釋出香味。3. LC 22cm圓鍋內煲滾800ml水，加入冬蔭功醬拌勻。中火滾起後加入蕃茄、香茅、南薑、檸檬葉、茄子、菇、辣椒，再滾起後加蓋，轉小火煮10-15分鐘。 4. 加入蝦、蜆，加入椰奶拌勻，中小火煮至蝦熟透及蜆開口，移除沒有打開嘅死蜆。下糖、魚露調味，熄火。加入青檸汁，即成。更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
