屋企有舊就過期嘅fresh mozzarella,加埋parmesan同cheddar,整咗呢個非常cheesy嘅pasta,表面芝士焗到少少脆,加埋惹味嘅脆皮腸,秒清 😜。呢個pasta超級簡單,只需要5-10分鐘準備,其餘焗爐搞掂。 **焗三重芝士蕃茄忌廉汁貝殼粉材料 (2人份):貝殼粉 (或其他短意粉) 150g蒜味脆皮腸 3-4條 切小粒淡忌廉 150ml蕃茄碎 200g水牛芝士碎125g 巴馬臣芝士碎 50g車打芝士碎 80g意粉水 適量新鮮番茜 切碎 2湯匙鹽、黑胡椒 適量 做法:0. 預熱焗爐至180度。1. 煲滾一煲水、下1茶匙鹽,貝殼粉按包裝指示時間減半略煮。之後保留約50ml意粉水,其餘瀝乾備用。2. 混合淡忌廉、蕃茄碎、三種芝士、番茜,按需要加入適量意粉水調較濃稠度,用鹽、黑胡椒調味。可入焗爐容器內加入意粉、脆皮腸、淋上醬汁拌勻。包好錫紙180度焗20-25分鐘。 3. 移除錫紙,可按喜好再撒上額外芝士。焗爐溫度調高至220度再焗20-25分鐘至表面金黃,即成。 小小tips:1. 芝士種類、份量可以自行調整。更多中英食譜:FB:https://www.facebook.com/whatsboomaking/IG: https://www.instagram.com/whatsboomaking/