早排同住東京嘅日本朋友傾開疫情期間有乜煮意，佢提到整海南雞飯，仲話好容易。原來日本人都鐘意食海南雞飯 😆 傳統做法好繁複，唔洗預我 🤣 我就搵電飯煲版食譜，原來真係好容易亦好好味。雞肉超嫩滑，油飯又好食。電飯煲真係懶人恩物 👍🏻 **電飯煲海南雞飯材料 (2人份)：米 1.5杯 (約三碗飯)雞髀 2隻薑 3-4片蒜蓉 2瓣乾蔥頭 2粒切碎香茅 2枝雞湯 200ml水 適量薑黃粉 1/4茶匙醃料：鹽 1茶匙胡椒粉 1/2茶匙薑黃粉 1/4茶匙 做法：1. 雞髀去除多餘脂肪及雞皮，保留雞皮。雞髀洗淨印乾，在背面𠝹兩刀幫助入味及易熟，用醃料醃30分鐘。2. 洗米備用。凍鑊下雞皮，用中火煎至逼出油份後移除，加入蒜蓉、乾蔥碎爆香，連雞油倒進洗好嘅米中拌勻。3. 加雞湯，再加適量水至平常煮飯量，加薑黃粉拌勻。香茅切除底部及粗硬外葉，拍扁以釋出香味，連薑片放上米面，再放雞髀。 4. 關上電飯煲，啟動煮飯模式。煮好轉至保溫模式後唔好開蓋，焗多10-15分鐘至雞髀熟透，即成。 5. 點雞醬混合蒜薑蓉、蔥、芫荽、辣椒、豉油熟油，即成。 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
