之前買咗包乾蝶豆花未用過，呢排有啲時間就摷返出嚟，整啲試驗性質嘅嘢玩吓 😜 。蝶豆花嘅天然藍色真係好治癒，加少少檸檬／青檸汁仲會變成深紫／紫紅等顏色，每次效果都唔一樣 💙💜呢個椰子奶凍配蝶豆花荔枝啫喱係其中一個試驗品。椰子＋荔枝係唔會出事嘅配搭，不過本身我預計蝶豆花荔枝啫喱嘅部分係藍色嘅，點知將蝶豆花水加入啫喱粉時係變咗紫色 🤔 ？不過錯有錯著，效果都幾靚 😍 **椰子奶凍配蝶豆花荔枝啫喱材料 (可做約三個240ml份量)： 🥥 椰子奶凍部分：天然無糖椰子水 180ml鮮忌廉 180ml糖 30g魚膠粉 5g🍮 蝶豆花荔枝啫喱：荔枝味啫喱粉 1盒魚膠粉 10-12g (按鍾意嘅口感調整)乾蝶豆花 12-15粒熱水 225ml室溫水 225ml做法：1. 小鍋內混合糖及魚膠粉，加入椰子水、鮮忌廉，小火煮至糖及魚膠粉完全溶解，平均倒入容器內，放雪櫃雪最少3-4小時至凝固。2. 乾蝶豆花浸熱水至顏色呈理想深淺度，過篩備用。3. 混合啫喱粉及魚膠粉，倒入熱水攪拌至完全溶解，加入室溫水幫助冷卻。4. 啫喱液完全冷卻後，慢慢加入奶凍上面，放雪櫃雪最少2-3小時至凝固。點擊圖片放大 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
