夏天芒果當造,又多又平,超甜又多汁。甜牙齒當然要用嚟整返啲非常夏天嘅甜品。意式奶凍好多餐廳都有,其實非常容易做。 **芒果意式奶凍材料 (可做約三個240ml奶凍):芒果蓉 350g水 30ml糖 20g + 40g魚膠片 4g + 4g鮮忌廉 200ml牛奶 160ml雲呢拿香油 3ml芒果粒 (裝飾用) 適量 做法:1. 魚膠片 (4g) 浸冰水,浸軟備用。芒果打蓉至幼滑。 2. 水混合糖 (20g) 微波爐加熱,攪勻。魚膠片搾乾水,加進糖液,攪拌至徹底溶化。3. 魚膠片溶液加進芒果蓉,倒進容器內,放雪櫃雪最少兩個鐘。4. 魚膠片 (5g) 浸冰水,浸軟,搾出多餘水份。5. 小煲內加鮮忌廉、牛奶、糖 (40g),小火煮至微滾,離火。加入魚膠片和雲呢拿香油攪勻,過篩,放涼備用。6. 芒果蓉凝固後,倒入奶凍液,放雪櫃最少四個鐘至凝固。7. 加芒果粒裝飾。 小小tips:1. 糖嘅份量僅供參考,可以先試試芒果嘅甜度再調整。2. 如果想奶凍更濃厚可以用全鮮忌廉 (360ml)。3. 魚膠片可用相同份量魚膠粉代替。更多中英食譜:FB:https://www.facebook.com/whatsboomaking/IG: https://www.instagram.com/whatsboomaking/