男朋友唔鍾意食貝類海鮮，但偏偏係我其中一樣至愛，要好濃味嘅湯底佢先接受到。呢個叻沙大蜆煲就兩全其美。其實我仲專登加埋蝦同魚片以防佢真係唔食蜆，不過最後佢好捧場，全部都食 😁✌🏻 **叻沙大蜆煲材料 (4人份)：大蜆 1.5斤急凍珍寶蝦仁 10隻炸魚片 半條 切片豆卜 5-6個切半銀芽 4兩叻沙醬 半包 (約100g)水 800ml椰漿 100ml糖 3茶匙雞粉 2茶匙乾蔥頭 2-3粒 切碎蒜蓉 2辦蛋 2隻 做法：1. 大蜆用流水沖洗，然後浸約40度暖水，加入2茶匙鹽及幾滴油／麻油，用碗／筲箕蓋住蜆，浸最少一個鐘讓蜆吐沙。完成後再沖洗乾淨備用。2. 銀芽、蝦仁解凍後洗乾淨瀝乾水。蝦仁印乾水後用少許胡椒粉、米酒拌勻辟腥，放雪櫃冷藏約30分鐘，令肉質更爽脆。3. 深鍋內用少許油爆香乾蔥頭、蒜蓉，加入叻沙醬和水。中大火煮滾後加入椰漿、糖、雞粉。再煮滾後加蜆、蝦仁、魚片、豆卜、銀芽，加蓋煮至蜆開口 (約6-8分鐘)。移除沒有打開嘅死蜆。4. 熄火，加蛋攪成蛋花，即成。小小tips：1. 叻沙醬、水、椰漿比例可按喜好調整。FB中英食譜：https://www.facebook.com/whatsboomaking/IG: https://www.instagram.com/whatsboomaking/
