冰箱有包買咗好耐嘅急凍八爪魚仔。一路都諗唔到整咩好,因為其實男朋友麻麻鍾意食。咁啱最近買咗一大樽泡菜 (男朋友鍾意當小食就咁食 😜),又有包豬腩片,就決定整泡菜炒豬肉八爪魚仔 (韓式佢一定食),又係好好送飯嘅一個餸 😋 話時話,我一路煮覺得啲八爪魚仔好似外星人,大家有冇同感?🐙👽 呢個係bb辣版,鍾意食辣嘅自己調整辣醬/辣椒粉份量 😉**泡菜炒豬肉八爪魚仔材料 (2人份):豬腩片 230g急凍八爪魚仔 300g泡菜 150g洋蔥 半個 切條辣椒 半條 切絲蒜片 2瓣醬汁:韓式辣醬 1湯匙醬油 1 1/2湯匙麻油 1茶匙糖 2茶匙辣椒粉 1/2茶匙 做法:1. 急凍八爪魚仔解凍,沖洗乾淨,印乾,用少許米酒和胡椒粉辟味,備用。混合醬汁材料。2. 下少許油熱鑊,下豬腩片中火炒至轉色,盛起備用。3. 下洋蔥、辣椒、蒜片、泡菜炒香,加入醬汁,放回豬腩片同炒。4. 下八爪魚仔快炒,冚蓋小火炆焗約5-8分鐘至卷曲熟透即可。點擊圖片放大 FB中英食譜:https://www.facebook.com/whatsboomaking/IG: https://www.instagram.com/whatsboomaking/