酸酸甜甜嘅檸檬撻最啱而家炎炎夏日食，超級refreshing! 🍋 **法式檸檬撻 材料 (可做一個8吋撻)： 撻皮： 低筋麵粉 100g 杏仁粉 20g 室溫牛油 50g 糖粉 40g 蛋 20g 鹽 一小撮 雲呢拿香油 幾滴 餡料： 全蛋 100g 檸檬汁 70ml 檸檬皮蓉 約半湯匙 糖 100g 牛油 80g 切小粒 魚膠片 1片(2.5g) 做法： 撻皮： 1. 室溫牛油放軟，用膠刮翻拌至幼滑，加入糖粉及鹽拌勻，分兩次加入蛋液攪勻。 2. 麵粉加杏仁粉過篩加入牛油糊，攪拌至成一軟團。 3.加入雲呢拿香油拌勻。 4. 枱面鋪保鮮紙，放上麵團，表面可再鋪上保鮮紙／牛油紙防黏，用麵粉棍推開至約3mm厚，放入雪櫃雪一小時。 5. 取出麵團鋪平在撻模內，可用手指／一隻玻璃杯輕輕按壓確保撻底同撻邊厚薄均勻，用小刀批去模邊多餘麵團。包保鮮紙再放入雪櫃雪一小時。 6. 取出麵團，用牛油紙鋪底及圍邊，加入烘焙石／豆壓住撻底防止谷起。入已預熱180度焗爐焗15分鐘左右，取出移除石仔同牛油紙，薄薄掃上一層蛋液，再180度焗3-5分鐘。攤涼備用。 餡料： 1. 魚膠片凍水浸軟，搾乾水備用。 2. 小火煲滾一小煲水。蛋，檸檬汁，檸檬皮蓉，糖加入一碗內，隔熱水 (碗底唔好掂到水) 不停攪拌約10-15分鐘隻開始杰身，加入魚膠片撤底攪溶。 3. 離火，逐少分次加入牛油粒，攪拌至幼滑無顆粒。 4. 檸檬餡倒入撻皮，放雪櫃雪最少三個鐘至檸檬餡凝固，即成。 FB中英食譜：https://www.facebook.com/whatsboomaking/ IG: https://www.instagram.com/whatsboomaking/
