男朋友超鐘意食印度菜，所以我就試整咗呢個牛油雞。平時我哋出去食一定會點butter chicken，對唔食得辣嘅我嚟講呢個差唔多係唯一選擇 😅 雖然相對唔辣，但一樣香濃。 呢個version係我參考咗幾個食譜再自己調整嘅bb辣版，鐘意食辣嘅可以自己加辣。整印度咖喱嘅基本材料garam masala係我跟食譜mix嘅 (可以買現成)。除咗需要一堆香料外，其實唔係咁難整，有啲冷門嘅材料例如某種香葉嗰啲我就skip咗，同出面食到嘅有九成似。配清新嘅檸檬乳酪青瓜沙律可以解下辣。**印度牛油雞材料 (4人份)：去皮雞扒 2磅 (約1kg) 醃料：原味乳酪 100gGaram masala 2茶匙蒜蓉 2瓣薑蓉 1湯匙薑黃粉 1茶匙孜然粉 1茶匙甜椒粉 1/2茶匙辣椒粉 1/4茶匙鹽 3/4茶匙檸檬汁 1/2湯匙醬汁：罐頭蕃茄蓉 400g腰果 15粒 洋蔥 1個 切粒牛油 30g蒜蓉 2瓣薑蓉 1湯匙Garam masala 1 1/2茶匙芫荽粉 1茶匙孜然粉 1茶匙綠豆蔻粉 1/4茶匙玉桂粉 1/4茶匙卡宴胡椒粉 1/4茶匙辣椒粉 1/4茶匙糖 1湯匙鹽 1茶匙鮮忌廉 150ml做法：1. 雞扒洗淨印乾，切一口大小，用醃料醃一晚。 2. 蕃茄蓉加腰果用blender打至幼滑備用。3. 下油熱鍋，中大火雞肉煎至表面轉色，盛起備用。4. 同一鍋內下牛油，洋蔥炒至軟身，加蒜蓉、薑蓉炒香。加入garam masala、芫荽粉、孜然粉、綠豆蔻粉、玉桂粉同炒香。 5. 加入蕃茄腰果蓉拌勻，下糖、鹽、卡宴胡椒粉、辣椒粉調味，小火煮10-15分鐘至杰身及成啡紅色，間中攪拌。 6. 加入忌廉拌勻，按需要再調味。加入雞肉煮8-10分鐘至熟透及醬汁杰身及幼滑，即成。7. 淋上小量忌廉及芫荽裝飾。 FB中英食譜：https://www.facebook.com/whatsboomaking/IG: https://www.instagram.com/whatsboomaking/
