Hello! 新嚟報到！不專業分享嘅第一個post，先分享一個比較特別嘅菜式。😉男朋友係荷蘭人，2018年搬嚟香港 (我地之前long distance咗五年)。雖然佢嘅最愛係酸菜炸醬豆卜麻辣特辣米線+土匪雞翼，同埋荷蘭出名係冇美食嘅，但佢間唔中都會掛住taste of home，所以我都努力學整d家鄉嘢慰藉下佢。其中一樣佢最掛住嘅就係kapsalon。 Kapsalon係髮廊咁解，傳聞係荷蘭鹿特丹一個髮型師喺佢成日幫趁嘅kebab shop每次必叫嘅自訂菜式，之後間舖頭將呢樣嘢發揚光大，就變成全荷蘭都好受歡迎嘅菜式嘞。 😋佢嘅材料同做法都幾簡單 (醃肉呢部分複雜少少，要多種香料混合，預早一晚醃)，其實就係deconstructed kebab：底層係薯條，之後一層肉 (雞羊牛豬都得，我嘅香港版本用豬頸肉)，一層芝士，面層再加沙津 (生菜、青瓜、蕃茄、紫洋蔥) 同garlic sauce就食得！食嘅時候要將所有材料撈埋一大啖食哂！男朋友話我整嘅版本有八九成似喺荷蘭食到嘅，不過更加好食！大家可以試下整 :)😁食譜 (4-6人份量)材料：豬頸肉 1kg (雞羊牛豬肉都得，免治或切幼絲)急凍薯條 800g芝士片 (建議用gouda cheese) 6-8片羅馬生菜 1個蕃茄 1大/2小個小黃瓜 2條紫洋蔥 1個醃料：蒜蓉 5瓣 檸檬汁 1湯匙橄欖油 1/4 cup蜜糖 2茶匙鹽 1茶匙黑胡椒 1茶匙甜椒粉 1茶匙孜然粉 1茶匙薑黃粉 3/4茶匙丁香粉 1/2茶匙葛縷子粉 1/2茶匙綠豆蔻粉 1/2茶匙玉桂粉 1/2茶匙豆蔻粉 1/2茶匙牛至/百里香 1/2茶匙卡宴辣椒粉 1/4茶匙薑蓉 1/4茶匙 做法： 1. 所有醃料 (除油外) 拌勻，塗在肉上，然後加入橄欖油，確保所有肉均勻沾上醃料。醃最少一晚。 2. 羅馬生菜、蕃茄、小黃瓜、紫洋蔥切細粒備用。 3. 炸/焗好急凍薯條，期間將肉炒熟。 4. 薯條鋪底，加上一層肉，然後鋪上芝士，入200度焗爐焗至芝士溶化 。 5. 表面鋪上羅馬生菜、蕃茄、小黃瓜、紫洋蔥，最後按喜好淋上garlic sauce，完成！ 男朋友推介加埋參巴醬一齊吃，更加惹味！如果大家鍾意就俾個like鼓勵一下啦！;)😋
