Lifetastic嘅蛋糕都食過好多次，見到希慎呢間分店有得堂食就決定坐低慢慢食。椒鹽炸粟米椒鹽味惹味濃郁，但都冇搶去粟米🌽的香甜。 生酮忌廉金目鱸魚金目鱸魚魚皮煎得香脆，肉質細膩嫩滑，配上細滑忌廉汁，超有驚喜的一道菜，必點！ 明太子軟殼蟹意大利粉原隻軟殼蟹炸得香酥惹味，食落口有蟹膏嘅香味。坊間嘅大部份餐廳的意粉都係依靠大量忌廉去調味，但呢間餐廳的明太子意粉都做得超有水準，醬汁質感輕盈得黎味道仍然香濃，帶有明太子咸香，但係又不會太油膩。 每份主菜可以以半價價錢加購件裝蛋糕。作為朱古力抵豪不猶豫地揀左朱古力香蕉蛋糕😍頂層係濃郁的朱古力慕絲、沾滿朱古力粉嘅香蕉配上杏仁。中間係朱古力慕絲夾住香蕉🍌同焦糖慕絲互相層疊，朱古力帶微苦配上焦糖的甘甜。最底層則用上朱古力海綿蛋糕。整理口感同味道都好豐富，朱古力的甜味亦恰到好處，值得推薦！ 如果想揀d味道比較清新嘅蛋糕，就可以試下菠蘿芝士蛋糕🍰頂層係原味忌廉，有食用花葉作點綴，睇落已經覺得好有夏日氣息。中間係芝士和海綿蛋糕相互層疊，海綿蛋糕質感綿密。夾層的糖煮菠蘿酸甜，散發出清新的味道。 Lifetastic Bistro有兩間分店- 銅鑼灣分店:銅鑼灣軒尼詩道 500 號希慎廣場 3 樓 326 號舖 - 將軍澳分店:將軍澳 PopCorn1 期地下 G19 號舖#社群試食LIFETASTIC #熱門菜式 #西餐 #蛋糕 #銅鑼灣美食 #將軍澳美食 #LIFETASTIC
