鍾意食日本拉麵·蕎麥麵·烏冬等嘅日本麵類，舉手🙋🙋♂️咁大家有冇諗過日本出售嘅麵原料（小麥粉）係邊度來嘅呢？答案係“未必係日本產”除非特別註明100%日本邊度產！但有寫“（日本）國內製造喔”大家覺得奇怪嗎？因為根據“日本食品表示法”加工食品要標籤如下：1.最多用嘅原料係新鮮食品-------要註明"最多用嘅原料產地" 名稱：腸仔原料名：豬肉（北海道產）、豬脂（北海道產）、鹽、香料、三溫糖、粟米澱粉/磷酸鹽（Na)、味精、發色劑（亞硝酸鹽）2.最多用嘅原料係加工食品-------要註明"最多用嘅原料加工地" 名稱：烏冬原料名：小麥粉（日本國内製造）、鹽今次題目嘅麺類（小麥粉）例子屬於2。所以，國内製造只係表示用日本國内生産嘅小麥粉，根本冇得知小麥粉原料嘅小麥係邊度出產嘅。關於日本小麥生産量只有13%左右，其他87%係來自外國嘅。而大部分喺美國，加拿大，澳洲輸入。咁樣嘅數字來講，好容易估到大部分加工品用嘅原料係來自外國啦～或者有D朋友覺得用外國原料有咩晤好？因爲外國出口嘅小麥收穫前直接散glyphosate（沽草劑）再加上船時散大量防腐劑。由於導致癌症等影響健康問題，喺外國已經禁止或限制glyphosate（沽草劑）用喺外國國內食品度。不過，反而日本就越來越放寬glyphosate（沽草劑）嘅食品安全指標。實在上，日本出售的麵包、麵類會驗出glyphosate成份。不過唔好失望住，你選日本出產嘅小麥就不用擔心glyphosate問題了。因為日本出產嘅小麥暫時唔准用glyphosate沽草劑！！大家請記住選購食品是一種健康投資！！
