一年一度既五月大同旅行又到了~~ 今次時間比較緊迫，只去到三日，但行程極度豐富充實!!! :lol: 因為工作關係，要自己搭遲幾班機會合佢地(仲要自己去酒店)，就係咁亦都嘗試左第一次自己搭飛機去旅行....感覺良好 8-) 對上一次去泰國旅行已經係六歲既時候, 不過Suvarnabhumi機場就兩年前去歐洲轉機既時侯來過 Suvarnabhumi機場非常之大，不過指示牌好清晰，我又一個人，好快就過到關攞行李 諗住快快脆脆搭機鐵會合好友，但因為張電話卡用唔到DATA而去左電訊公司既counter搞左一輪!!! 一到泰國開電話就收到訊號, 但data就未有，最後比左部電話個職員比佢禁下就搞店了( 部電話仲要係全中文字，唔知佢點識睇XD) 要由機場出市區，搭機鐵Airport Link 就最快~~ 今次住Ibis Siam 喺National Stadium 站 ，在phaya Thai 站轉BTS好快到，而酒店離地鐵站真係好近好近，一落車喺月台已經望到 :-D 放低曬行李，正式開始行程!!!! 第一站，BIG C 大出血!!! 我地去左近Siam 站的Big C Supercenter，入面一半以上都係香港人XD 啲野好似唔洗錢咁，我地買到一袋二袋，搭BTS返酒店嚇到啲途人眼甘甘@@ 落曬貨之後又係時候食飯了，晚餐地點就係Asiatique Asiatique係由好多個貨倉改裝而成既夜市，我地在Span Taksin坐船前往，沿途吹住海風好舒服~ 晚餐食泰菜，每人一枝象啤，無留意佢幾多%，但一食完飯開始行街就覺得腳步浮浮同勁HIGH，仲要唔止得我係咁XD Asiatique由好多個倉庫改裝而成，咩都有得買，因為時間關係我地都行唔曬，下次要早啲去~ 又夜又攰，大家決定搭的士~ 泰國的士都幾多黑的，佢地唔會用咪錶計，會直接同你講價，但個價往往同咪錶計差好多@@ 如果你隨便喺街截的，多數都係同你講價，我地就選擇左喺的士站上車，佢會收你手續費，但嗰啲的士就會用咪錶計，公平公正~
