農曆新年前難得有一個星期既假期, 加上又未到旅遊旺季, 所以打算去番個短 Trip. 本身打算平平地去台灣玩幾日. 但最後都係敵唔過日元匯率既誘惑, 所以決定去日本玩番個星期. 今次去日本想揀一個既有得 Shopping, 又可以享受大自然既地方. 所以揀去福岡就岩晒. 決定左去福岡之後, 上網做左好多 Research, 睇下旅行社 Package, 網上遊記咁 ... 最後覺得港龍既航班時間唔錯, 但單買港龍機票都幾貴下. 所以最後決定買國泰假期既 Package. Package 包左香港福岡來回機票連三晚酒店. 連埋稅盛惠 $4060 一位. 去程: 香港至福岡 KA380 8 Feb 2015 - 香港時間11點10分起飛 / 日本時間15點15分到達 回程: 福岡至香港 KA381 14 Feb 2015 - 日本時間16點15分起飛 / 香港時間19點10分到達 三晚博多酒店 The b Hakata - 11 Feb 2015 Check In / 14 Feb 2015 Check Out 搞掂左 Package 之後就要再搵埋其餘三晚既酒店. 分別係 第一晚係博多既酒店 第二晚係熊本既酒店 同埋第三既係由布院既溫泉酒店 第一 / 二晚就比較易搞掂, 都係幫襯番住開有感情既東橫 INN 8 Feb 2015 - 東橫INN 博多站前衹園 (含稅 6,480日元) 9 Feb 2015 - 東橫INN 熊本城通町筋 (含稅 6,053日元) 至於由布院既溫泉酒店實在有太多選擇, 睇左唔少 Forum 同遊記之後, 發覺"仙洞"有幾多正面既評價, 就咁拍板! 10 Feb 2015 - 由布院仙洞一泊二食 (含稅 23,680日元) ------------------------ 機票住宿行程都搞掂. 準備出發. ------------------------