睇完生產線,來到放滿世界各地龜板標本及中醫學說介紹的海天堂博物館呢. 各地龜板,真係令人嘆為觀止. 當中有個展版係介紹胡蘇仔因媽媽患上癌症,所以佢用盡各種方法,和學習中醫藥等,去醫治媽媽,從中藥入手,令媽媽身體好轉等事蹟.原來中一蛊龜苓膏背後,都有佢份'孝心'係度呢.真係今次係呢個旅程先瞭解到. 睇完博物館,就到寛敞的購物區 除左一眾係香港可買到的食物產品外,還有其自家tee,茶葉,花茶,結婚小禮物禮盒,茶杯等......至勁係,怕未買手信俾香港親人,連惠州梅州(抽左真空一包包)也有售,生意頭腦認真勁,真係要寫個"服'字. 眾產品中,個人至愛:原粒十二星座花茶(一朶花浸熱水慢慢會化開個種花茶,難得一盒有十二款,每款一朶)賣$99港紙,幾抵,買左盒嘆吓. 購物區內有四組顏色的櫈坐,又無人hard sale個吓好,好FREE,反而咁樣大家先買得開心. 胡蘇仔俏仔無處不在,係購物區會見到佢人咁高.....的銅像.fans們又點會放過呢個影相位呢. 購物後,大家去飽餐一頓,呢餐得豐富,新鮮菜和飯任添,雞有三大碟,隻碟係無敵勁大呢. 成台人都食唔晒三碟雞.但菜我地就加左三次,因太正.每人一支海天堂'五花茶"清清邊爐熱. 個個都讚食物好味.但當日天氣都熱架,都有反映返俾職員知,咁熱天氣,唔應該叫人打邊爐,雖然食物係 正冷氣又夠,但天氣熱,邊有人想打邊爐呢,希望佢地接收意見,第時會作出適當安排. 咁呢個團就超Perfect 飲飽食醉,滿載而歸. 別了海天堂,只說一句: U are so good,i'll be back, 大家會食吓海天堂的,不妨參加吓,極力推薦,因個團費$68蚊+50蚊小費=$108咋,超級無敵勁抵. 買旅遊保+$50,總數才$158.去邊度搵呀.又可見識吓佢盤生意點RUN.我和朋友都玩得開心,覺得超值.但我地都無買現金劵,因香港買左未用晒,很多團友也買,因確實抵呀. 如果第時大家去左呢個團,又回來和我分享吓呀;) HAVE A NICE TRIP P.S.購物tips: 1)和香港一樣,一份禮劵,用700元港紙可買到一千元面值的現金劵,送的係十二樽黃色膠盒龜苓膏,重可以選擇即時取走或是取劵在香港取,真窩心的安排. 2)買兩份禮劵,送VIAN和胡蘇仔拍電視節目的VCD定DVD一盒,非賣品來架,可以和團友合份買,邊個要都好呢.