一直都有聽講這間燒肉店質素幾好，lunch經過見到Set C同D仲有買一送一優惠，人均都係三百幾蚊，就可以任飲任食100分鐘😍另外仲有更豪華嘅Set E放題，都係全日供應～ · 我哋揀左Set D，有得任食雞、豚、澳洲和日本和牛、刺身等128品食物😚頭盤係一座和牛天梯和海鮮拼盤，共有七款和牛，每款都有4-6件 · 點擊圖片放大 生日仲會送九州和牛西冷一客，雪花紋好靚，油脂同肉比例平均🤗另外四月限定仲有每人一隻甲羅燒送，質素很高，蟹膏好多好濃超好食😍 · 肉類🥩 天梯上嘅和牛有齊澳洲同日本和牛，質素幾高，牛味突出，唔洗蘸醬汁食都夠晒味，每款都有4-6件，基本上食晒佢都飽左七成😂之後另外仲有得任食其他牛，連A5日本黑毛和牛同M6、M7和牛都有得任食😍😍 · 雞肉同豬肉類都有唔少款式，我地食左雞脾肉，好大件😂肉質都好嫩滑 · 點擊圖片放大 海鮮類🦪 頭盤本身都有一份海鮮拼盤，入面有齊鯖魚、帆立貝同海蝦，都一樣可以任食，另外仲叫左牛油廣島蠔，大大隻蠔味好濃厚🤤 · 刺身🐟 刺身得三款，試左三文魚同赤蝦刺身，三文魚非常厚切，一切等於出面嘅兩切😂 小食 多達30款以上，我哋試左味付螺肉、中華沙律、麻醬秋葵同芝士年糕，芝士年糕真係必食😍😍自己燒到兩面微微金黃色，外皮有少少煙韌，咬開仲有超流心芝士，好好食🤤 · 蔬菜🥬 我哋淨係食左牛油金菇，加左牛油真係無得輸，燒得超香，金菇入晒味😚😚 · 點擊圖片放大 甜品🍮 除左一啲常見嘅甜品杯，例如：木糠布甸、芒果布甸、草莓慕絲等，另外仲有即叫即製Croffle😍將牛角包壓成窩夫形狀，上面仲可以揀Tiramisu、抹茶或者士多啤梨忌廉，我試左tiramisu味，好香濃，口感幼滑，croffle外脆內軟，好好食😚🤤另外仲有得任食movenpick雪糕，連埋croffle一齊食真係大滿足😆 · 飲品🧃 都係基本的汽水和茶類，泠泡茉莉都唔錯 · 整體黎講，食物質素幾好，絕對會再encore😆如果晚餐去食Set C/D/E，2人有8折，3人75折，4人7折，可以帶埋屋企人去食😚 ⋯⋯⋯⋯⋯⋯⋯⋯⋯⋯ 燒肉男 📍屯門鄉事會路88號The Parkville1樓12B號舖 📍將軍澳唐德街9號將軍澳中心1樓135號舖
