去利東街打完卡，喺中間穿過去，就黎到人流少好多嘅廈門街，見到一間意大利露天餐廳，好岩放假chill下😆佢哋嘅週末brunch menu供應到5點，行完街去食個tea岩岩好😚點擊圖片放大 +5 1️⃣Egg Benedict($119)一份egg benedict有兩件，餐廳堅持用有機雞蛋🥚同意大利香草薄餅🫓，一切開，蛋汁即刻湧出黎😍好香蛋味，大大片三文魚，鹹度適中，菠菜份量都好多，夾埋最底嘅香草薄餅一齊食，薄餅厚度同口感都整得岩岩好，一啲都唔硬，又唔會過淋🤤如果唔食三文魚，仲可以揀火腿～·2️⃣Ravioli Salmone($148)呢款係方形意大利雲吞，好似我哋嘅餃子咁，入面包左菠菜同芝士，但意大利人視佢為pasta類，而唔係餃子類的～煙三文魚切成碎條，加埋芝士同忌廉等煮成醬汁，味道唔錯🤤🤤煙三文魚不會過鹹，食完都唔會覺得口渴，望落細細份，但食晒就好飽肚😝·3️⃣Tiramisu($68)黎到意大利餐廳，一定要試下正宗嘅tiramisu😆暫時食過最滑最creamy嘅tiramisu😍睇我條video就明架喇🤣滿滿嘅Mascarpone cheese，海綿蛋糕濕潤但比例相對較少，食完好滿足🥰4️⃣Corona Beer($58/330 ml)5️⃣Earl Grey(Cold $38)飲品大大杯，呢個價錢黎講唔貴，corona beer上面仲有件青檸，篤落去啤酒入面，有淡淡青檸味☺️·如果咁岩後面無人坐，仲可以乘機影下呃like相，效果都唔錯架～⋯⋯⋯⋯⋯⋯⋯⋯⋯⋯PALA📍灣仔廈門街7-17號百旺都中心地下A號舖
