數數手指, 聖誕節仲有10日就到. 如果12-21 沒有未日的話 (其實我並不相信1221 的傳言的) 大家有冇plan 下佳節會去邊度玩? 上星期六, 我就有機會去預早慶祝我的奇妙聖誕!! 雖說是一個Blogger 活動, 但其實我和男友之前都有約好今年聖誕就在Disneyland 慶祝. 現在就當是提前慶祝啦！ 兩個主題園反斗奇兵大本營及灰熊山, 前者是亞洲獨有後者更是全球獨有, 朋友們都未曾拜訪過, 作為香港人, 怎可能唔去撐一撐場呢~~ 難得來到, 我地一行5人一大早就黎到迪士尼樂園啦. 來過咁多次迪迪尼, 每次都係12點後(瞓醒後) 先黎, 都唔知原來11:30前美國大街小店有9折優惠架~~ 呢10分鐘.. 我地就瘋狂shopping 啦~~ 反轉一向'玩完先買野'既心態~~ 唔緊要, 樂園入面大把locker, 買完入晒櫃就唔洗拎住玩啦~~ shopping 完我就要閃返去hollywood hotel 食lunch 啦，一班blogger 朋友仔已經早到等我。 曾經住過disney hotel, 不過起唔到身，miss 左食自助早餐。 今次來到先知 Mickey Chef 餐廳入面既buffet 食物都係以mickey 圖像設計架，就連伴碟的都唔放過！ 好有心思呢！(即時覺得當日懶床冇去食早餐蝕左，唔知早餐buffet 有咩特色既呢？) 食物都係大人細路啱食既野，有魚生，有沙律，有熱盤有涼盤。 食物質素都唔錯，樣靚又好味，自然會食得開心啲啦！ 我最鐘意佢地有好多精美既甜點，細細件，試多兩個味都唔怕！ 為食+肚餓，差啲就忽略左甜品周邊既裝飾，每樣都好有心思架。 呢間屋，真係型到爆！ 如果好彩既, 仲會遇到朋友仔同你一齊進餐添~ 食飽飽，就飛返去樂園玩lu. 千叮萬囑要朋友仔等埋我先好去toy story land 同灰熊谷，黎到已經咁多人啦，要排隊當然預左啦， (不過排隊時都有些少趣事，親眼目見强国人教仔… hmm 哈！！真係… 太有趣了！) 從前的我很怕玩機動遊戲，因為我很怕那種 '誓要怕瓜你', 所以10幾年來我都只係幫手影相，看袋。 自從迪士尼落成後，總是被樂園中夢幻式的裝璜吸引，驚都要去睇下入面佈置成點。 久面久之，其實玩機動都唔一定要離心到爆炸姐！慢慢地，由驚心尖叫變做歡欣大叫， 要 remark 既當然係Space mountain, 就係佢train 起我對機動既擔量！ 新建設中，仲有Toy Story land 既降傘可以train 下畏高啦， 灰熊山train 速度感啦， 仲有升呢之作--- 遙控車train pattern-wise 既離心力，係樂園中暫時尖叫指數最高既一個環節！ 我訪問過身邊對機動早已麻目既朋友，佢地話玩呢個時'感覺返黎啦'! 到2013上半年， 樂園既首輪擴建將會完成，到時娛樂體驗將超過一百個。 無論你係邊一個年齡層，有邊個層次既喜好，一一都可以係樂園中尋找到喜樂之泉。 一年四季都會不停更新樂園主題，令你每次踏入樂園都會有無限新鮮感，樂而忘反。 瓢雪了~ 明年，新設施迷離莊園將會落成，聽聞佢係類似'鬼屋' 既設施。 現在擴建中已經見到莊園既精美設計啦，期待出年開幕時，我必定衝來做首輪玩家！！！ Stay Young, Be Happy~~ Gi FB page | Weibo | YouTube Y! Blog | SHE | Elle | F&B theZtyle | BeautyLife | Qooza Beauty iMore | Qooza | ASW | UBeauty | BlogDB
